Dende o Colexio Oficial de Podólogos de Galicia (COPOGA) deixannos este comunicado sobre un concurso que teñen para os mais pequenos da casa.
"Animamos aos máis pequenos da casa a fixarse nos seus pés e crear con/sobre eles unha postal de Nadal.
Participar no concurso é moi sinxelo; está dirixido a nenos/as de entre 3-6 anos; só hai que imprimir a plantilla que vos anexamos neste enlace, cubrila, debuxar nela e enviala a concurso@copoga.com antes do día 14 de decembro.
A obra gañadora servirá de imaxe na postal de Nadal que o Colexio envía ás demais entidades/institucións e tamén ós colexiados.
O autor/a do debuxo gañador recibirá de agasallo unha caixa regalo “Estancia familiar + Actividades e Parques temáticos” onde poderá elixir entre os máis de 500 hoteis con actividades familiares e entradas a parques temáticos de España, Andorra e Portugal.
Asemade, todos os participantes recibirán un set de pintura que consta de 10 lapis de cores, acuarelas con pincel e 1 afiador.
Agardando contar coa participación de todos as nosos/as pequenos/as; despedímonos atentamente,
Xunta de Goberno"